تابعونا الأن علي الموقع الأساسي www.koora9090.com
Uncategorized

مباراة الأهلي ووادي دجلة بعين فارس الأهلاوية

انتهت مباراة الأهلي ووادي دجلة في الأسبوع الرابع عشر من مسابقة الدورى المصري الممتاز.
المباراة شهدت اداء سئ جدا من الاهلي رغم الفوز. ولكن كان هناك رد فعل ونظرة من محبي الاهلي، وجمهور الاهلي، والاعلام الخاص بالنادي.
احد الإعلاميين المميزين، ومقدم برنامج “الاهلي خط أحمر” ، الاعلامي، محمد فارس. كتب معلقآ علي أحداث المباراة. وناقش العديد من النقاط، الهامة التي نالت استحسان معظم جمهور الاهلي، جاءت كالتالي :

اه كسبنا والفوز مهم جدا بس اسهل حاجة اننا نقف عند هدف اجاي ومنتكلمش عن مشاكل بنعاني منها ولازم تتعالج لو عايزين نبقى افضل. انا من مدرسة ان مفيش مدرب مبيغلطش بس جودتك كمدرب في قدرتك على تصحيح الأخطاء ودي اكتر حاجة انا مؤمن بيها في كرة القدم وده سر تطور اي فريق. 

انا لما انتقدت قبل كده فكرة اداء الأهلي في الشوط الأول من اغلب المباريات وقلت ان دي ازمة مع الوقت ومع ظهور مشاكل بدنية مع تلاحم المباريات هتبدأ متلحقش تعوض في الشوط التاني وقتها موسيماني قال ان مفيش مشكلة ده شئ من قبيل الصدفة بعدها في ٣ مؤتمرات صحفية كرر عبارة ” ازمة الشوط الاول ” ومع ذلك لحد دلوقتي المشكلة متحلتش وفقدنا واحدة من اهم مميزاتنا وهي انك تستغل تخوف المنافس منك وتخلص المباراة بدري لازم موسيماني يشتغل على ده بافكار واضحة تنعكس في الملعب. 

كلنا اجمعنا ان مباراة سيمبا هي اسوء مباريات موسيماني كتحضير فني ونفسي وبدني ولكن الاغرب اننا انهاردة مقدرناش بسهولة نجدد الدوافع النفسية والفنية. انهاردة الشحن النفسي والتحضير الفني وشخصية الاهلي كان لازم يبانوا من اول ربع ساعة لازم تحسس الجمهور ان مشهد سيمبا كان استثناء كان لازم ده يحصل كان لازم

الشناوي واجاي انقذونا انهاردة. موسيماني لازم يراجع نفسه وبسرعه في اكتر من نقطة ولاعبين كتير لازم يفهموا ان جمهور الأهلي التاريخ عنده في المتحف شغفك لازم يبقى موجود طول الوقت واوعى تفتكر انك لو الجمهور اشاد بيك في مباراة البايرن فمثلا ده كافي لان دي بالنسبالنا كانت مباراة شرفية يمكن مباراة الطلائع وسيمبا اهم كتأثير في حسم بطولات فلو انت اللي وقفت عند ماتش البايرن فصدقني قطار جمهور الاهلي هيفوتك لانه مبيقفش وهترجع كلاعب لنقطة الصفر.

هذه كانت نظرة واحد من الشباب المؤثر جدا في جمهور الاهلي، صاحب وجهة نظر مميزة، الاعلامي والكاتب الشاب الكبير “محمد فارس ابراهيم”. 

مقالات ذات صلة

إغلاق